物聯網大熱

還記得EMC大中華區總裁Denis Yip加盟神州控股任CEO,不到半年就已經求去,然後上星期福建實達(Start)又宣佈,Denis Yip加盟為集團總裁,福建實達以前曾經營房地產、有色金融貿易、打印機生產,轉戰到互聯網、物聯網、安防等行業。

以前,福建實達曾經一度係國內知名個人電腦品牌,後來退出市場;改做房地產,然後通過併購進入互聯網及物聯網,再進入高科技行業,然後禮聘Denis Yip加盟,唔知會有乜搞作。

香港生產力促進局任命前GE大中華及東南北亞區運輸部門總裁畢堅文(Mohamed Din Butt)任總裁,接任剛退休嘅鄧碧儀,為期三年;渠在GE任職超過二十年,過去九年負責安防、照明及運輸的業務部門。生產力促進局推動物聯網技術,上星期就舉辦「醫療及保健系統網絡安全國際會議」,主席林宣武就話,生產力局資訊保安及醫療科技支援,具備專業知識經驗,HKPC屬下香港電腦保安事故協調中心,又具備網絡安全知識;可以推動「物聯網」技術應用、開發創新醫療器材,肯定協助醫療設備行業符合法規要求。

講起GE,亦係醫療行業重要廠家之一,製造唔少放射科及醫療設備,畢堅文過檔HKPC,又有一個好堅嘅理由。

上星期,通訊局為配合特導施政方針,大力推動5G網絡,包括物聯網技術。通訊局宣布開放920至925兆赫頻段,供業界申請「無線物聯網牌照」,話目前有兩間提供物聯網解決方案申請。920至925兆赫屬於UHF RFID頻段,香港已開始經營嘅Sigfox物聯網(位於香港科學園Thinxtra經營),大部分終端都支援呢個頻段,申請者其中一家可能係Thinxtra。

科技園從行政總裁到技術總監,有唔少係GE舊人。物聯網大熱,GE舊人可能唔愁出路矣。

Leave a Reply

Your email address will not be published. Required fields are marked *