Slide
Slide
Slide
Hitachi_AI_HCI
Hitachi_HCI
HCI
previous arrow
next arrow

Gamification 以遊戲鼓勵學習

互聯網其中一項影響,可能係人類產生知識速度遠超以往,尤其科技發展,係唔容易掌握。即使係科技有關職位不斷增長,但實際並無足夠人材填補空缺,而最基本問題係學校教育,無法追上時代培養人材,STEM成為熱門話題,幾乎係人都講。

近年,香港大力發展職業教育,最近同前老總Francis Pang彭Sir食飯,渠大讚IVE學生水準唔錯。話說Francis參觀沙田IVE,遇上較早前勝出國泰航空24小時「編程馬拉松」(Hackathon)IVE學生,呢幾位學生用NFC技術,設計App「TouchCX」,飛機上可用手機點餐、要求毛毯耳機,並有傳譯功能,甚至可做團購,多名乘客買同一款免稅商品,可享折扣,刺激機艙消費。

「難得係學生好謙虛,唔少大學生語言水平相對較好,寫薯仔文好掂,建議內容天花亂墜。但係IVE學生文字根底可能較弱,索性落手落腳,建立手機App,結果勝過千言萬語,勝出比賽。」

呢幾位IVE學生可謂Maker,身體力行,所謂實踐是檢驗真理唯一標準。目前全球STEM教育,正係強調學生落手落腳,參與創作過程,領悟如何創新,從被動變為主動學習。

另一個STEM教育問題癥結,可能係教師人材不足,名師出高徒。學校要有好學生,先決條件係好老師;但可惜好老師不常有。美國最近有一個大熱手機App叫Py,由前MIT研究員Derek Lo創辦,以遊戲形式教編寫電腦程式,類似學語文遊戲Duolingo,非常互動,以科技解決STEM教育。中國有句老話,叫玩物喪志,可能已不合時宜。呢個Py遊戲大熱,可見所謂「Gamification」,以遊戲方式鼓勵學習,會愈來愈普遍。學校多用遊戲形式教STEM,消除學生抗拒科技,可能係大勢所趨。

彭Sir話人材難求,未來十年人材配對問題,高質素人材挽留培養(Talent retention and development),亦係企業重中之重,好人材可令一家公司脫胎換骨,壞人材政策,變成劣幣驅逐良幣,彭Sir退休後仍修讀Mentoring課程,研究培養人材方法。

講起STEM,最近有本關於STEM教育嘅書剛剛出版,叫做《STEM for PARENTS你懂的!》作者為本報PC Market前老總黃秉華,係本港第一本STEM普及讀物,作為啟動STEM教育敲門磗。

Leave a Reply

Your email address will not be published. Required fields are marked *