Slide
Slide
Slide
Hitachi_AI_HCI
Hitachi_HCI
HCI
previous arrow
next arrow

狗年運勢

狗年各大堪輿學家各有高見,唔睇好2018年似乎較多。但單從新聞稿分析,似乎幾樣技術,今年一定有運行;首先係雲運算,雖然話唔少大企業開始反思雲運算嘅成本,但係從新聞發展,亦可見端倪。

要連接到雲運算,先決條件係保安,打印機係經常受網絡攻擊設備之一(最大受害設備當然係視像監察鏡頭)。上到HP見到Richard Cheung,HP係最早關注打印機保安嘅廠商,最有條件發展雲運算打印機,包括「打印即服務」,即係以流動支付按需使用,全球各地以流動設備隨時連接打印機,連接雲運算輸出打印,甚至利用NFC認證身份後輸出,類似共享打印機模式已經在唔少共享辦公室出現,共享打印在其他公共地方出現,只係遲早問題。

另外,香港推動智慧城市;據聞唔少設備登場,例如智能街燈之類。呢啲設備亦可能連接上雲運算,從各大雲運算商本港部署,齊齊搞數據中心,似乎雲運算好難無運行。

另一項大趨勢係虛擬貨幣,自從Bitcoin大熱,虛擬貨幣公開發售ICO幾乎無日無之。雖然唔少財經專家預言,虛擬貨幣係鬧劇一場,但市場傻鬥傻,只要有投資工具,不乏捧場客。虛擬貨幣是否會崩圍,好難估計,至少增長空間仍在。Bitcoin回落,又再有利礦場重新投入採挖活動,再擴大市場規模,距離大跌仍有一段日子。

另一項不能不提當然係AI,人工智能進入商用,包括人臉識別,可以應用在保安及客戶關係管理,以至金融科技。今年AI起飛,幾乎可以肯定。

Leave a Reply

Your email address will not be published. Required fields are marked *