保安股大熱

亞太區及日本市務總監Robert Healey到美國參加上市,首日上升三成

雖然亞太區市場表現麻麻,即使國家隊出動,市場仍然疲不能興。納指市場一度急跌,但有潛力科技股,上市後仍急升。

另一隻獨角獸7月底上市,表現亦相當強勁,專注IT風險管理嘅Tenable,上市就升咗3成多。目前仍在30美元水平,市值超過27億美金。

呢家公司初至香港,無乜人識。但一提起Nessus,就幾乎無人不識。唔少人做漏洞測試,就係Nessus免費版。Tenable就係Nessus開發者,免費版用戶已有過百萬。Nessus家用版可為16 IP位址網絡掃描漏洞,唔少專家亦係用渠。

Tenable亦係其中一家獲美國中央情報局資助,開發弱點管理平台保安公司,產品幾乎可講係國防級別。亞太區及日本市務總監Robert Healey到美國參加上市;Robert以前任職嘅F5,一年間亦從120升到170美元,亦係轉型做保安。

今年美國市場,多隻獨角獸先後上市,第一隻規模亦係最大,首推雲端保安公司Zscaler。三月份首日掛牌已升一倍,其後首季度業績亮麗,曾經一度升破40美元,稍為回落後仍企穩37美元,較年初招股價15美元,高出一倍有多,市值超過43億美元。

Zscaler以「保安即服務」,SaaS形式經營,唔少公司轉移到雲端,Zscaler獲得好多跨國大客。前Palo Alto Networks工程師Jones Leung就加盟咗Zscaler,結果坐啱車。Jones話Zscaler專營網上防火牆服務,亦有唔少其他新增功能;包括Zscaler Private Access,取代咗SSL VPN,SSL VPN唔止管理好麻煩,而且又價錢唔平,Zscaler方法係所有內容到網上連接,全部轉接到Zscaler,外部完全不可能見到內部應用,唔少以往Pulse嘅客仔,因此轉用Zscaler。

今年唔少保安公司股價表現強勁,包括Qualys及Rapid7,尤其Rapid7更加上到歷史新高。美國在股市財富效應之下,消費肯定向好,加上保護主義抬頭,通脹應該不遠矣。

Leave a Reply

Your email address will not be published. Required fields are marked *