超融合變熱廚房

上星期,到銀聯記者會,遇到IBM雲計算與大數據/分析總經理李永財Ernest,講起雲計算前景。雖然話公有雲以AWS為首,增長相當淩厲,IBM則集中做私有雲及多雲管理,類似銀聯就用咗IBM建立私有雲及API Connect等產品。

唔少企業仍然要部署在內部,所有Watson亦會有內部方案。因此,唔少公有雲類似IBM亦與VMware合作推出VMware Cloud Foundation,VMware更加與AWS合作,推出可安裝在企業內部嘅Outpost。

企業建立私有雲,當然必須安全。除咗利用VMware,亦有唔少選擇,比較出名係Nutanix,Ernest話呢家公司亞太區高層唔少係IBM,唔少仲係渠前下屬。

類似超融合架構(HCI)國內有唔少競爭者。好多人以為Nutanix最大競爭者係VMware,原來國內有唔少後起之秀。

最近FujiXerox大會SPARK Innovation,竟然在場介紹深信服(Sangfor)超融合。深信服以往在廣域優化方案曾經與河床(Riverbed)有激烈競爭,而HCI又獲得FujiXerox做代理,可見實力唔弱。聽富士施樂人員話,深信服嘅超融合在港亦有捧場客,加上整個機架出貨,所有系統由同一廠商維護。

近期中國有另一家超融合架構SmartX(北京志凌海纳)亦開始嶄露頭角,亦同Citrix等建立合作關。SmartX可以軟件方式出貨,而且擴充能力驚人,據講最大可超過一千節點,比VMware更利害,但SmartX在香港並無分銷商。

類似超融合方案在硬件合規方面,必須經過多重認證,Nutanix亦與聯想及DELL建立合作關係,否則好難打進數據中心。雖然DELL擁有VMware,仍然銷售Nutanix產品。如果上述超融合架構具競爭力,類似聯想亦會作為代理,增加客戶選擇。

據一位超融合廠商透露,國內類似SmartX廠商至少有60家,其中一家能夠成功,足以改變IT基建市場,類似企業融資亦不成問題,競爭亦愈來愈熾烈。

Leave a Reply

Your email address will not be published. Required fields are marked *