數碼港搞保安

上星期,數碼港聚會,行政總裁任景信透露正發展數碼保安,有心水清人士即問任景信,數碼港何以會搞網絡保安。

任景信話,其實園區內亦有唔少保安企業,部分甚至在園區成立研究中心。上個月,高威電訊就搬入園區,耗資超過千萬,打造第二個Adaptive Security Operations Centre(A-SOC),研究新一代網絡保安及防禦。呢個SOC以數碼工作間原理設計,甚至連燈光光譜亦利用IOT原理,自動對應至不同員工座位,相當神奇。

不過呢個A-SOC最特別之處,係完全按照OpenStack技術打造,以軟件定義網絡原理,可以模擬不同網絡攻擊場景,供不同研究之用,而初創可將產品放在不同虛擬場景,並設計攻擊及系統反應,比單純作漏洞掃描更有效。

網絡保安係發展最迅速行業,幾乎全港都唔夠人手,據專門做「白帽子駭客」嘅水記PWC(羅兵咸永道)合夥人顏國定話,渠地網絡風險偵查個案從2016年到2017年增加五倍,可見本港企業被入侵情況嚴重。PWC甚至開發網絡保護軟件,旨在能與客戶們現有的網絡安全掃描系統無縫地結合並有效地以風險等級隔離業務所在的個別國家或地區

數碼港專門培育唔少金融初創,而保安又係最基本要求,點樣令企業有信心採用初創技術,其中一項係必須在保安方面獲得認證。數碼港拉攏Macroview入園區,可在產品推出之前,確定產品有一定保安能力。Macroview有唔少金融客仔,可與園區初創互動。聽聞數碼港亦有初創會取得虛擬銀行牌照,到時更須網絡保安專家協助。

講起保安,其實園區內咪記亦係積極發展保安,原本係SingTel嘅Harry Pun加入成為Cybersecurity Executive,相信亦會幫園區初創搞好保安。

Leave a Reply

Your email address will not be published. Required fields are marked *