智能手機寒冬

今個星期西班牙舉行MWC,新手機紛紛出籠。最吸睛莫過於三星摺機,華為亦跟住推出Mate X摺機海報,一時間摺疊手機幾乎成為新貴。新機缺乏話題,摺機成為新賣點。

其實全球智能手機銷量在2018年第4季停滯不前,Gartner甚至表示,Apple亦經歷自2016年最嚴重季度跌幅。

舊年第4季智能手機停滯不前,總共只賣出4.08億部,較2017年第4季僅增長0.1%。但Apple銷量下跌11.8%;Apple嘅零售總監Angela Ahrendts離職,似乎係為新機銷售策略負責。

但新機缺乏創新,吾少Apple手機用戶,已缺乏動機去換新機。iPhone銷量在2018年第4季只有6,450萬部,按年下降11.8%,出售唔少仲係舊機種。除北美和亞太經濟成熟地區,iPhone大多數地區的需求都正減弱;其中大中華區銷量下降最多,市場份額從14.6%降至8.8%。2018年,iPhone全年銷量跌咗2.7%,售出2.09億部,今年華為已接近呢個數字。

Apple又與高通有法律訴訟,只有靠英特爾供應5G modem部件。上星期路透社報導英特爾表示,該公司嘅5G modem,2020年之前都不會在手機內出現,意味iPhone今年唔出5G手機。

雖然今年5G唔會完成,唔少消費者換手機,仍會考慮5G,亦進一步打擊iPhone新機市場。以目前估計iPhone新機可能因此受壓。但Apple在香港教育市場做得唔錯,營運商亦樂得繼續推,以推高ARPU。

但在新一代青年,iPhone魅力正在消失,鐵路車廂內唔少年青人都正使用中國手機,年青人在接受介面更快,加上唔少人多於一部手機,亦發現Android手機介面,其實亦好易用。如果iPhone只變成老人手機,咁就死嘞。

2018年第4季,華為就出售超過6,000萬部智能手機,全球五大智能手機廠商增長最強勁(37.6%)。其實華為全年都有增長,大大縮小與Apple差距。

唔少手機廠商,都期望5G為智能手機帶來增長支點,但全球唔少網絡都係華為鋪設。如今歐美針對華為,5G推出速度,可能較預期為慢;除了手機功能上有大躍進,好難再有換機潮。

智能手機缺乏新賣點,商業PC就表現唔錯,據HP老總Alias Yeung話,唔少人升級到Windows 10,商業PC市場向好,HP增長亦唔錯。

Leave a Reply

Your email address will not be published. Required fields are marked *