Slide
Slide
Slide
Hitachi_AI_HCI
Hitachi_HCI
HCI
previous arrow
next arrow

軟件訂閱模式

微軟Office新版本2019不再提供家用版,也就是個人用戶從此必須採用訂閱模式(Subscription)的Office 365 家用版

電腦 J 手記

電腦軟件逐漸趨向利用軟件即服務模式(SaaS),一次性的授權愈來愈少,微軟的Office新版本2019不再提供家用版,也就是個人用戶從此要採用訂閱模式(Subscription)的Office 365 家用版,只租不賣,微軟走向訂閱模式,首先從最缺乏議價能力的家用用戶開始,未來相信陸續有來。

軟件以訂閱模式提供,已係大勢所趨,類似Adobe早轉用訂閱模式。Office可結合One Drive,以雲儲存取代電腦,而且整合更佳,直接從應用上傳,加上支援自動儲存功能,幾乎唔會有機會損失資料,其實相當方案,類似Excel、PowerPoint、Word亦結合AI功能,同樣亦靠雲運算提供服務,功能不斷升級。例如PowerPoint加入AI,加快一般用戶建立簡報,自動據內容建議設計及圖案,就節省唔少時間,而Excel亦推出ideas,自動搵出數據之間嘅關係。

不過,即使開源Office亦開始成熟,以Document Foundation為例,就推出LibreOffice 6.3版本,Google Doc亦支援唔少功能,可以輸出至不同應用或者SaaS,甚至流程自動化,類似Zapier,而美國Google Doc雲運算應用愈來愈多,亦一樣有Pivot table等高階功能,只係功能上仍然與Excel有一段距離。

微軟Office支援更廣泛平台,財務及文書處理應用歷史悠久,好難取代。不過Google Doc開發應用生態更方便,安全性亦更高,正開啟另一個市場。

今年10月, NTT Communications、達科(Dimension Data)和NTT Security等28家公司正式合併,成為一家年營業額達110億美元的企業,命名為NTT Ltd.。不過,Dimension Data發源地南非則仍沿用舊名,原因係約翰內斯堡並無NTT業務在經營,而且Dimension Data品牌家傳戶曉。

達科可以話係NTT嘅最重要收購,合併後NTT Ltd.總部搬往倫敦,集中向提供企業諮詢、託管式服務、整合服務,而NTT在東京亦有研發中心,有多種IT方案,其中一家競爭對手係BT,總部亦在倫敦,行業方案相當出色。據孖屐亭Esther話,選擇倫敦係因NTT唔少業務集中歐洲,似乎脫歐暫未影響英國商業樞紐地位。

全球電訊商幾乎都開發託管式服務,NTT就收購其中一家行業最大IT服務整合商,而本港薄餅收購WTT滙港電訊,亦在企業方案做得唔錯,然後又收購ICG,亦係提供雲運算及IT服務,最近甚至有傳言話收購JOS。

不過,據講最近收購Deal Flow正因外部貿易磨擦及反送中示威而冷卻,而8月份IPO亦創下低位。如果講反送中示威最嚴動影響,可能係包圍機場,唔少商界高層無法到港,會議紛紛取銷,據聞連金鐘三寶亦叫救命。本月一年一度電腦節,本月23日至26日(星期五至星期一)假香港會議展覽中心舉行,似乎銷情亦不樂觀。今年大家直係要自求多福。

Leave a Reply

Your email address will not be published. Required fields are marked *