口罩的學問

較早前以採訪疫症聞名嘅Laurie Garrett,原本就讀加大栢克萊分校細菌及免疫學博士,史丹福大學任職研究,後來去當記者

電腦J手記

全城鬧「口罩荒」之際,有專家不同意見,專家話無口罩唔好出街。不過亦有專家話同意。較早前以採訪疫症聞名嘅Laurie Garrett,原本就讀加大栢克萊分校細菌及免疫學博士,史丹福大學任職研究,後來去當記者,取美國俗稱三個「大P」新聞獎;包括Pulitzer、Polk、Peabody獎項。

Garrett採訪全球重大疫症;包括伊波拉及SARS,亦係全球首批撰寫愛滋病嘅記者,當時只知三藩市同性戀者之中,有不治之症,Garrett已確定由一種世紀絕症引起。

近期Garrett在美國「外交政策」雜誌撰文,多次評論公共醫療。今年1月25日,Garrett再為「外交政策」撰文,發表「武漢疫症中如何自保」,憶述當日北京採訪SARS疫症,亦未戴過口罩(事實上有病狀嘅人才應戴);唔少中國朋友問Garrett,疫症之中如何保護自己及家人;Garrett話採訪過30場疫症,好少戴上口罩;甚至認為戴口罩,弊多於利。

佢認為,口罩在室外時固然毫無作用,室內亦作用有限。口罩戴一至兩次後就失效,重複使用更不衛生,口腔細菌及雜物,聚積口罩內部。佢以為,較有效反而遠離人多地點,談話保持距離。

當然,打乞嚏或咳嗽嘅人,應戴上口罩,以免傳染。

如果保護自己,手套有時更奏效,公共地方戴上手套,盡量唔好以手接觸臉部;每日更換手套,或徹底清洗手套,時常清洗雙手。

此外,避免家居共用毛巾,經常清洗避免發霉。類似門較及升降機等,多人接觸點,亦要儘量小心,開關儘量以手踭肩頭;其他梯樓扶手、桌面、手機、玩具、手提電腦均可能成病毒中介,食飯記緊用公筷。

有關Garrett所言,僅供參考。唔少醫生及護士認為,洗手先係上策。當年曾任護士嘅特首夫人,亦有明言。較早前,中大醫學院院長陳家亮話自己無口罩,溫馨提示大家只要小心,唔好圍周觸摸物品,就可保平安。

疫症大敵當前,小心駛得萬年船,政府講到口罩似防疫必備,原來非每位專家認同;加上口罩消耗大,有醫生話每個只能用約4小時,唔可以清潔重用,無限量使用嘅話,要凖備大量供貨。

故此,政府如認為口罩係必需品,涉及重大社會衛生議題,就不可當普通商品看待之,應該責無旁貸,確保供應。政府如無法海外採購,最好鼓勵商家本地生產,好過靠懲教署,搞到經常專業又非專業也。

https://foreignpolicy.com/2020/01/25/wuhan-coronavirus-safety-china/

Leave a Reply

Your email address will not be published. Required fields are marked *