Slide
Slide
Slide
Hitachi_AI_HCI
Hitachi_HCI
HCI
previous arrow
next arrow

遙距營商

[電腦J手記] [遙距營商計劃]

本星期收最多電郵,係有關『遙距營商計劃』科技方案;全額 100%資助中小企對抗疫情,每間最多資助30萬港元。從獲得電郵數量,肯定申請數量爆棚。

5億元夠幾多人分?肯定係向隅者眾。

遙距營商內容從雲端業務支援系統 (Cloud System Support)、網絡安全方案 (Cybersecurity) 、遙距文件管理及雲端儲存 (Remote Document Management and Cloud Storage) 、虛擬團隊管理 (Remote Team Management)、網上會議 (Virtual Meeting)等各個項目。

幾乎大部分技術都係可遙距使用,係IT方案以為有機會入圍,連社交媒體都想入紙。僧多粥少,以何凖則分配?如何防止濫用?

各大分銷商磨拳擦掌,廣發電郵敦促Reseller下游快快登記,申請做資訊科技服務供應商,幫客仔寫薯仔文申請;分銷商INNOVIX成立「遙距科技方案免費諮詢服務」,務求幫客仔諗計度橋。

方案連同僱員培訓開支資助額最高10萬港元(相關培訓開支資助上限係方案10%),每間可獲最高30萬港元總額資助,項目最長有六個月。估計培訓須認可機構執行,雲服務同SaaS;各大雲商、生產力軟件、RPA、CRM、ERP,甚至電子商務軟件,都可計算在內。

但金額唔多,估計申請中小企為主;話明遙距,唔係一般系統,至於如何定義,人言人殊。

百業蕭條,整合商叫苦連天,政府出錢,大家唔好執輸。不過上述各項,如雲服務SaaS,事前設計分析,唔係一時三刻,有唔少開發;加上安裝及設定,會否刻意誇大價格,究竟如何監管?

有意見話,硬件出售最直接,防火牆、防毒軟件、網上會議設備,明碼實價,一定用得著,如此一來又未必係遙距。不過以遙距辦公,則肯定要手提電腦或者流動設備,類似MDM亦可入圍。相信到揭盅之日,大家都仲未抝完。

 

Leave a Reply

Your email address will not be published. Required fields are marked *