熱成像測温比試

[電腦 J手記] [測温] [人臉識別 Face recognition]

SenseThunder-E mini
商湯售前工程師Ryan Lo,演示SenseThunder-E mini,速度亦係極快,介面簡單,可調整溫度參數,係工業級產品。

電腦 J手記

一般科技公司,都是銷售辦公室,也就是說並不在本地發展技術,本地只是銷售或銷售工程師,香港一向只是用家,隨著本港政府大力發展創科,未來可望發展原創科技。

不過中信國際電訊CPC係注重開發本身科技,中信國際電訊CPC係唔少美國科技公司,包括VMware大用戶,不過亦開發本身科技,其中包括AI以及同ASTRI共同開發糅合擴增實境技術的新一代操作及維護技術。

由於營運唔少數據中心以及MPLS,中信國際電訊CPC利用歷史數據,以機器學習預測客戶維修及升級需求。

熱能成像解決方案
「熱能成像解決方案」可凖確檢測人體額頭溫度,是否配戴口罩,以及是否公司內部員工。

新冠肺炎爆發之後,中信國際電訊CPC團隊又開發「熱能成像解決方案」,原理係利用人工智能人臉識別技術,並利用熱能鏡頭,集中偵察人體額頭部分溫度,以取代探熱,偏差只是攝氏±0.度3,並觀察到訪者是否戴口罩,並發出提示。

呢個方案採用市場上,華輝電子有售嘅FLIR C3紅外線熱影像儀,結果打造出檢測達工業級嘅方案。據中信國際電訊CPC嘅創新總裁Daniel Kwong話,最近改用英特爾AI加速棒Movidius Neural Compute Stick 2(NCS),轉用咗OpenVINO,速度再快5倍,呢支VPU加速棒,網上售價係港幣698元。Daniel話,檢測人體溫度係0.1至0.2秒之間,鏡頭試過一次過,曾同時凖確檢測8位訪客溫度。

呢個方案只係一部筆記簿電腦、FLIR C3鏡頭、另加一支NCS 2,成本便宜,主要係開源軟件以及從GitHub下載模型。中信國際電訊CPC將開發過程及所有AI模型,網上公開,開發過程及工具臚列,顯示工程團隊實力。

https://www.citictel-cpc.com/EN/HK/Pages/blog/how-to-realize-facial-recognition

熱能成像解決方案
中信國際電訊CPC團隊開發「熱能成像解決方案」,一部筆記簿電腦、FLIR C3鏡頭、另加一支NCS 2,成本便宜。

將比較簡單的介紹放在「飛卜」上,團隊已開發其他AI模型加強內部管理,雖然呢個方案並非公開發售,以中信國際電訊CPC係一家電訊及科技服務公司,業餘以深度學習框架TensorFlow及Python語言開發AI,已經達到專業水平。

https://www.citictel-cpc.com/ZH/HK/Pages/blog/ai-thermal-imaging?utm_source=Facebook-Post

Daniel話,推理耗用算力,曾試用Nvidia Jetson NANO,耗能較高,而且太熱,放在辦公室不太適合,結果轉用英特爾OpenVINO產品,性價比更高,可見英特爾AI實力,只不過孖屐亭比不上Nvidia,大家集中GPU,唔知VPU。事實上,VPU更針對AI推理,效能更好,英特爾真係要加把勁。

以AI方案,當然不能不提本地薑商湯。商湯係中大多媒體研究室湯曉鷗博士團隊創立,人臉識別技術獨步天下。商湯亦推出「熱成像測温一體機」 SenseThunder-E mini,工作原理與中信國際電訊CPC「熱能成像解決方案」,設備小巧,外觀似係一部手提電話一部。

最近遇商湯售前工程師Ryan Lo,演示SenseThunder-E mini,速度亦係極快,介面簡單,可調整溫度參數,推理更只利用處理器訊號處理器DSP。

商湯當然不是用開源嘅TensorFlow,而以獨家深度學習框架Parrots訓練,竟然可以用最低成本設備,推理速度媲美專用晶片。TensorFlow係開源深度學習框架,即使中國亦係有最多用家,不過商湯擁有底層技術,深度學習框架已經超越Google。Parrots一旦開源,TensorFlow唔知會點。不過據商湯行政總裁徐立話,開源必須大量技術支援,商湯仍無法好似Google一樣,以開源擴大市場。

近期SenseThunder-E mini已出現在酒樓食肆,大家有機會試試,就知商湯為何被列入美國實體清單。

Leave a Reply

Your email address will not be published. Required fields are marked *