人工智慧年

如果講今年最炙手可熱嘅科技,相信一定係「人工智慧」(AI)。AI從純學術研究,到飛入尋常百姓家,足足用咗六十年時間。上月底,美國華裔科學家吳恩達(Andrew Ng)離開百度,百度股價竟然一度下挫。Andrew Ng廣為人認識,係原於史丹福大學參與創辦網上學習平台Coursera,目前全球主要大學都幾乎有參與。呢位先生在Coursera課程,學習機器學習入門幾乎都曾經上過渠堂。Andrew Ng離開百度,聽聞為咗進一步推廣AI。

另一位史丹福學者,人工智慧研究主任李飛飛則趁學術長休假,加入Google掌管AI部門,另一位從Snap加盟Google嘅李佳,亦同樣來自史丹福,史丹福在AI影響力,可見一斑。

Andrew Ng在百度發展,以AI作為核心,結果百度語音辨識技術,幾乎係全球處最領先水平,語音別準確達到九成七以上,比人耳仲要好;即使容貌識別亦非常準確,離開之後百度會將渠職位分為幾位行政人員分擔。

但如果講今年股份升勢最勁股份,則非Tesla莫屬。上星期,騰訊入股Tesla成第五大股東後,Tesla市值越過通用汽車,成為美國車廠一哥,股價升越300美元。舊年騰訊參與收購數碼地圖 HERE,今次再入股Tesla,背後想參與無人駕駛市場,背後核心技術亦係AI。中國互聯網公司,已視無人駕駛為一大片藍海,騰訊已成立自動駕駛實驗室,大舉招聘AI高手,並同百度一齊,投資無人駕駛汽車公司蔚來汽車。

本港MapKing亦開發車聯網技術多年,CEO吳永輝就多次向外介紹無人駕駛汽車前景。上星期,介紹車載互聯在東南亞及中國發展。

Leave a Reply

Your email address will not be published. Required fields are marked *