掌上西湖

西湖
遊西湖不求人,掌上西湖以AI製作混合現實,沿途介紹西湖景點,商湯亦向香港國際機場等介紹有關技術,未來在大型商場可應用有關技術。

電腦J手記

上期提及中大創業日,其中曾獲創業日冠軍嘅聲揚科技,以人工智能發展聲紋科技,即係辨識人聲,聲紋係「Voice Print」,意思同埋指紋(Finger Print)一樣,每人聲線不同,以後可用聲紋識別身份,控制智慧家居,例如叫「芝蔴開門」之類。

聲揚科技發展不俗,終於完成A輪近億元人民幣融資,聲揚科技技術可作為身份認證,確保打電話係本人,金融機構可認證來電客戶身份,國內公安則用來追查電話騙案。金融機構以手機與客戶溝通,或者靠自然語音處理機械人,就可用聲紋識別,前景不下於人臉識別。

據聲揚科技行政總裁李亞桐話,較早前與工行ICBC合作項目已經推出,甚獲好評,國內恆豐銀行、重慶銀行項目亦陸續落地。近期資本市場緊張,聲揚科技完成融資絕不簡單,證明技術獲市場肯定。

中國另一個創業團隊亦做得唔錯,就係AI獨角獸商湯科技。商湯有唔少產品,包括AI教育產品。較早前商湯網上「熱愛AI」為主題發佈教育產品,商湯發展教育市場,舊年推出SenseStudy,配合教材及教育機械人,學生可在平台上做AI實驗。今次發佈新教育平台;又推出商湯教育機器人系列。

最後商湯發行AI教科書《人工智能啟蒙》;商湯出版AI教科書,最早係「人工智能基礎」高中版,然後係「人工智能入門」(一共4冊),商務印書館出版。今星期商湯亦推出教師《燎原計畫》,以AI專家帶動教師。

商湯亦以AR技術SenseMARS火星混合現實平台,打造手機導遊,推出西湖官方導賞手機應用「掌上西湖」,利用螢幕AR指標,即時為西湖遊客標示景區路線,仲有語音講解導覽,路線始於平湖秋月,途經孤山後山路至岳王廟,全長1.4公里。遊客身處路線位置,透過手機掃描附近環境,開啟AR模式導航。

大家下次遊西湖,臨行前記得下載「掌上西湖」;即使白晝,可透過手機觀賞平湖秋月夜景,添加月下煙花表演及螢火蟲閃爍湖面。據聞商湯製作科學園導賞,到時大家遊「園」,亦可下載知道科學園有乜景點。疫情當前,可能大家要留港消費,作深度旅遊,政府亦可利用AR技術製作「中山史蹟徑」等深度遊。

另一家中大創業公司係生物醫學科技控股BioMed,曾志謙校友與多位中大醫及生物科技專家創辦,主打高質素益生菌及腸道細菌檢測,剛剛搬去科學園新實驗室,比原本大咗3倍。BioMed成立2年,擴充極快,東南亞及國內都有合資,產品已經在多國有供應。新實驗室符合CAP標凖設計進行「新一代測序」NGS(Next Generation Sequencing),進行高通量RT PCR基因測試。BioMed亦提供16s rRNA排序,不過唔係排人類基因,其實係瞭解腸道菌群,據Vincent話,為腸道細菌排序,仲難過為人類基因排序。

曾志謙
曾志謙為BioMed新實驗室開幕,佔地超過3000呎,支持高通量PCR基因測試及16s rRNA排序,以腸道菌群數據提供精凖醫療。

腸道菌群與人體免疫系統,有密切關係,除咗新陳代謝問題,甚至敏感,以至精神問題,亦同腸道健康有關,呢類問題已有唔少研究證實。BioMed通過檢測提供更精凖治療。據科學主任徐摯情博士話,飲食習慣不同,本地居民腸道菌群亦與外國有異,唔少研究都係外國進行,BioMed研究對提供合適本地益生菌及抗敏藥物,有重要意義。

中大創業日2020 今明兩日(9月25及26日)網上舉行,要知中大創業有乜明日之星,可上飛卜。

中大創業日2020宣傳片

【請即登記參加中大創業日💻】中大創業日2020將於9月25及26日首次移師線上舉行,距離活動還有兩個多星期,活動主辦單位香港中文大學校友傳承基金、主禮嘉賓、大學校長及副校長、校內創業單位、校友組織、講者及參展者,一同呼籲大家支持中大創業日!立即登記:https://cuhkeday.eventxtra.com/landing*所有報名出席者除了可觀看創業大賽、參與各講座、瀏覽各創業攤位,亦可即時與創業者互動交流。#中大創業日 #CUHK #EDAY #移師線上 #創新 #中大人 #睇到最後

Posted by 香港中文大學校友事務處 CUHK Alumni Affairs Office on Tuesday, September 8, 2020

或按連結登記參加

https://cuhkeday.eventxtra.com/landing

Leave a Reply

Your email address will not be published. Required fields are marked *