電腦J手記
預算案宣布向合資格人士發放總額5,000元電子消費券，政府與四家儲值支付工具營辦商進行系統測試，確保登記及發放消費券流程暢順。預計本月下旬公布詳情，包括登記手續及發放安排，預計7月開始登記。
一般相信，絕大部分人都選擇八達通登記及領取消費券，其次可能係支付寶香港，其次係WeChat Pay HK以及Tap & Go「拍住賞」。
對各家儲值支付工具而言，電子消費券係擴大商家網絡大好時機，從以往現金發放經驗，電子產品及飲食行業最為受惠。
但小商戶可否受惠於電子消費券？理論上應無問題，政府資助5,000元裝八達通機等非接觸付款，雖然小商戶經營地方較細，好少用聚合支援，WeChat Pay HK推出一站式收款解決方案「WeChat Pay HK收錢碼」，只要在手機上以「WeChat Pay HK收錢碼」小程序，填寫商戶名稱、聯絡人、地域、分區，就可以二維碼收款，毋須安裝POS硬件，免維護亦不佔用空間，申請WeChat Pay HK收錢碼街市商戶，獲分配專屬QR code收錢碼，首年每月交易額於5萬港元以內，不收取手續費。
只要將收錢碼二維碼貼在當眼處，商戶就可以馬上收錢。上年11 月，WeChat Pay HK開始進軍領展及民坊旗下街市，不少街市商戶支援，但據講唔少商戶不歡迎WeChat Pay HK畀錢，甚至唔顯示收錢碼，主要嫌二維碼收錢麻煩，消費者又怕得罪商販，結果情願用現金。
究竟一般市民會否改變習慣？以消費券街市買餸，令商戶就範？除非WeChat Pay加碼宣傳或直接再給商戶優惠，否則用量可能依然有限。商家態度難改變，唯一方法係更多優惠，例如係可幫助增加生意額，例如WeChat落柯打有補貼，或協助向熟客宣傳商品；WeChat Pay HK有小程式及多種零售技術，可投放資源開拓生態系統，以向商戶提供更多優惠。
WeChat Pay亦利用與其他支援合作，雖然國際支付機構並非營辦商之一，Visa宣佈與WeChat Pay HK合作，透過WeChat Pay HK使用Visa進行支付用戶提供優惠，商戶借助雙方用戶群和網絡、品牌及優惠活動，消費券計畫推行期間拓展業務，鼓勵消費者以Visa為WeChat Pay增值。
香港個人商戶仍以現金為主，商戶唔用電子支付好多理由，不過香港停留在現金社會，亦好難成為智慧城市。