未來銀行

無人銀行
設於科學園的無人銀行,中國銀行iService櫃位可以辦理大部分銀行服務,以視像會議為客戶提供全天候服務,亦有文件掃描機等設備。

中銀系統升級提早完成,雖然今次升級規模大,但過程順利。其實中銀在採用新科技非常進取。科學園內中銀就開設家未來銀行。科學園區工作人數超過二萬,經常強調可以試用新科技,亦中國銀行亦在園區有家數碼分行,分行內並無櫃位,提供電子化銀行服務,最大特色係用視像會議取代櫃位,可提供大部分銀行服務。呢個櫃位喇叭特別設計,聲音對話只有對話雙方先聽到。

另外,櫃員機可以唔用密碼,用生物特徵識別,不過唔係用指紋,而係用微輸血管;因唔少人指紋太淺,識別有難度,微輸血管無以上限制。

科學園銀行服務中心分行主管廖健華Kinson話,呢家未來銀行,訂於四月下筍正式開幕,類似技術可能應用在部分人數較小,唔能夠開分行,又必須銀行服務嘅屋邨。呢間未來銀行要解除唔少監管問題。

Kinson話,中銀在科學園亦為接觸初創,吸收更多未來銀行業技術。中銀亦同ASTRI已有唔少合作,亦在園區銀行舉辦講座,以便創科知道中銀對未來技術有乜期望。

上星期,飯局見到數碼港新任行政總裁Peter Yan,但渠仍在派舊卡片。Peter Yan話從細個就沉迷電腦及資訊科技,中學已自已砌機,大學畢業後,加入當年Arthur Anderson(即後來Accenture),擔任IT諮詢工作,AA收費唔平,每次任務都係客戶束手無策,先至向諮詢服務求救。

但諮詢顧問亦無可能係通天曉,Peter日間同客戶開會,晚上就向美國求教。以渠形容,打五年工等如打咗十五年,吸收唔少國際公司經驗。渠後來加入其他IT行業,AA經驗幫咗唔少。上一份工Peter做新意網,股價升咗五倍幾,從創業板轉去主板上市,算係向老板有交待。

Peter話,香港作為中國門戶角色愈來愈重要,數碼港大把前途;除咗培養創科,亦為香港科技界儲才。

Leave a Reply

Your email address will not be published. Required fields are marked *