數碼港飛卜

上星期,商湯CEO徐立重返母校中大創業日演講,座無虛席,帶咗幾本商湯出版《人工智能基礎》(高中版)送畀傳媒。記憶中,呢本係全球首本針對高中人工智能教材。徐立研究視覺運算多年,今次舊地重遊,有唔少捧場客。

商湯將會成為平台公司作為開發AI應用。唔少國際企業,本田汽車及沃爾瑪都係客仔。商湯其中一個主要投資者係阿里,阿里肯定係其中一家商湯公共雲合作夥伴。AI起飛,最大障礙係人才,商湯從高中開始推動AI教育;《人工智能基礎》由中大湯曉鷗教授主編。

香港唔少初創亦用AI,大部分都係用Google嘅Tensorflow深度學習框架;徐立話商湯好快會在港落地,大家拭目以待。上期本報訪問Find Solution就以AI技術,針對兒童患自閉症、ADHD,學習障礙兒童的表達能力差異,分析表情和眼球活動。聽聞呢家數碼港初創即將獲另一輪融資,以電玩遊戲加上AI技術,及早發現及診斷兒童自閉或學習問題,可謂AI妙用;今日父母注重子女學習能力,Find Solution商業潛力驚人。

數碼港老總Peter Yan話,遊戲亦可以很認真,例如YouTube收購嘅網上電競直播Twitch串流,數據量大過HBO及Netflix,電競選手及評論員月入可達十萬美元計,變成一大產業。Peter話數碼港飛卜內,分享一位美國12歲男童George Weiksner經驗,George聽咗爸爸解釋區塊鏈技術原理,靈機一觸,研發可於遊戲之間傳送嘅加密貨幣Quarters,玩家即使課金後棄坑,金幣仍可轉移另一遊戲繼續玩,呢個故仔結合電競及區塊鏈兩大產業,合哂數碼港嘅合尺。

創業日,碰見中大創業校友會會長周宏謙,亦有類似想法,籌備針對KOL嘅加密貨幣。唔少KOL都有一批追隨者,分分鐘變成客仔。周宏謙話,渠地平台可畀KOL發行貨幣,購買KOL商品變成佣金。香港有唔少廣告公司轉型,專門聘請KOL介紹產品或出席活動,價錢高到令人咋舌。周宏謙想法好有諗頭,可能變數碼港飛卜下一個主題。

Leave a Reply

Your email address will not be published. Required fields are marked *