AI項目勝出中大創業賽

中大PI Center內AuLaitino團隊開發聯網客製化自動售賣機,自動調制個人化手工飲料,大概一分鐘製作一杯。

創新已經成為各國經濟增長動力,各國致力推動創新。上星期中大創業日,超過80家初創展出,同時舉行第三屆「中大創業大賽」,結果由新亞書院計算工程系吳德川創辦拍拉美(Parami)獲得冠軍,業務係將電子商貿與客戶的溝通自動化。

傳統上電子商貿要建立龐大客服中心,以客戶服務員應對客戶查詢,而Parami則開發AI,識得人性化理解問題,而且能處理92種語言,擁有交叉銷售及推銷功能,兼容各大商貿平台,包括淘寶網、eBay、Amazon,獲得評判一致讚好。

呢家公司已入香港科學園,以Chatbot與客戶直接交談,專攻電子商貿市場,Chatbot與客戶溝通,比較單靠電子郵件銷售,成功率高出幾十倍;Parami以AI作為核心技術,舊年贏得大賽冠軍嘅VoiceAI,則以AI技術開發聲紋辨識技術。

VoiceAI開發聲紋(Voice Print)算法,凖確度亦係首屈一指,創辦人李亞桐Kevin Li對於生物辨識技術(Biometric)市場有深刻理解,開發時已具備SDK,供不同客戶整合系統,過去一年,呢家公司已經獲得多名大客戶,亦同香港嘅Macroview合作。據Macroview中有人比較VoiceAI與美國大廠開發之聲紋技術,評為Demo grade與Production grade之別,可見VoiceAI算法之強也。

聲紋科技市場前景廣闊,評判可謂獨具慧眼,Kevin Li亦獲香港X科技基金千萬級投資。不過AI炙手可熱,招聘難度甚高。Kevin話開發工作繁重,最困難唔係搵生意,而且建立開發團隊,應付大量工作項目!

中大在多年前已積極推動創業,甚至建立Pre Incubation(前孵化器)PI Center「前期創業育成中心」,供有志創業同學進駐,今次展出多項作品,其中以自動化製作手作飲料嘅AuLaitino聯網客製化自動售賣機,最引人注目。

AuLaitino由三位機械與自動化工程學與一位工管畢業生同學合作設計,眼見香港有唔少手作飲料店,AuLaitino結合IoT及流動技術,可為個別客戶調製手工抹茶及珍珠奶茶等飲品,類似嘅自動化調製飲品機,可口可樂亦曾與VMware,利用AirWatch推出有不同味道可樂。創辦AuLaitino嘅同學話,AuLaitino亦可俾消費者,自行調製不同甜度口味個人化飲料,再利用手機QR code取用,相當方便。

近期,科學園內無人雪糕機亦取得食環署牌照,亦開始正式營業,從開幕到攞牌,幾乎擾攘咗半年。中大副校長潘偉賢教授話,類似發明可考慮放在大學校園,俾同學感受創業氣氛,不過AuLaitino要先經食環署一關,手續唔簡單。

中大機械與自動化工程學相當有名氣,中大深圳校長徐揚生教授,就係國際知名空間機械人與智能控制專家,係中國工程院院士。講起中大深圳研究院之內,亦有培育初創嘅眾創中心,A輪融資已獲6000萬嘅視見醫療科技(Imsight Medical Technology)亦落戶眾創中心,上述VoiceAI亦係租戶,可見風水唔錯。今次展出物理系畢業生張筱雨創辦埃游科技作品醜小鴨2.0傾轉旋翼垂直起降無人機,呢部無人機同樣可垂直定點升降,速度快,距離遠,可作FOC矢量控制航向,精確控制磁場大小方向,電機轉矩平穩,以螺旋槳改變航向。中國已經成為矢量控制算法最先進國家,其中以大疆磁場矢量控制算法,可有效降噪及精凖控制。

一般無人機只飛可廿分鐘,呢部醜小鴨2.0無人機續航兩小時,巡航速度達60km/h,可以用於攝影測量及遙感測量、激光雷達測量地形、空中影像計算「歸一化植被指數」(Normalized Difference Vegetation Index,NDVI),計算農作物生長及營養數據等。

過去,戰鬥機亦有不少垂直起降設計,以便從小型戰艦起飛攻擊;歷史上有英國「鷂」式、前蘇聯有Yak 38、近期有美國F-35B等,不過垂直升降設計難度大,好睇唔好用,上述只剩F-35B仍在服役,中國軍方甚至稱之為「美麗陷阱」,據講「鷂」式維修一次引擎 ,長達550小時,但作戰半徑甚小,待在車間時間,仲長過上戰場,可見軍事創新幾難,成本鉅大。

話雖如此,醜小鴨2.0.傾轉旋翼設計,兼具多旋翼及定翼機嘅特點,可垂直升降及高速巡航,已完成天使輪40幾萬美金融資,仍在服役中 。

Leave a Reply

Your email address will not be published. Required fields are marked *