電腦J手記
TikTok受美國制裁街知巷聞，另一家勁敵「短視頻第一股」嘅快手科技下周招股，快將到港上市。恒基地產主席李家傑和騰訊都係基石投資者。
快手科技成立於2011年，快手APP係中國最大短視頻社區；唔少人以為短視頻只係雕蟲小技，美國大科技公司不屑為之。其實短視頻平台利用大量人工智能（AI）。最近，李家傑私人投資唔少高科技，最近一筆係RISC-V 平台IP供應商賽昉科技。本港傳統地產商投資高科技，以李嘉誠維港基金最為著名，其中投資Zoom更是大贏家，投資DeepMind和有光科技（Fano Labs）亦以AI為主。李家傑似乎亦積極部署AI，相信陸續有來。
短視訊以唔少AI分析內容，自動為內容加上標註及分類，按用戶行為主動推送，用戶觀看視頻會上癮，快手科技強調以用戶導向、其實人工智慧（AI）係核心技術；以快手科技CEO宿華嘅宣傳語，係以用「有溫度科技」，提升「個人獨特的幸福感」為核心使命。
類似技術好似一家度身訂造嘅電視台，用戶觀看時間愈耐久，AI不斷分析，推送精凖內容。據講科學園內商湯科技就為國內視頻平台提供分析技術，另外就係以開發算法，提高廣告及直播內容嘅命中率。
理論上，視訊平台Netflix亦有類似功能，不過只係以片種分析，唔係以AI逐部分析，但係快手科技還有唔少AI加持嘅短視頻的創作APP剪輯軟體快影，亦係有唔少AI，可還原高清畫質，有免費音效，形成創作社區，再配對至用戶，然後。
不過香港較少人認識是快手2年前收購，有A站之稱嘅二次元彈幕直播平台AcFun。美國上市的B站Bilibili嗶哩嗶哩4個月間升3倍，從40美元水平升至120美元，嗶哩嗶哩亦係快手基石投資者，即係話B站投資A站。不過彈幕直播動漫，用戶以青少年為主，屏幕上不斷有評語經過，一條頻道隨時有幾千人在線，可見現代细路睇漫畫，仲要加埋意見，傳統電視好難競爭。
除咗二次元小遊戲APP快手電丸等。快手亦係國內最早推動短視頻行業發展的科技企業，快手平台上可以用照片和短視頻，記錄生活點滴，也可以直播與粉絲即時互動，廣告及即時直播收入急升，2019年快手營業額達到391億元，比2017年上升達369%，舊年上半年收入已經有253億元，比同期上漲48%。
真係快手。