電腦J手記
本星期可以說是創科新聞最繁忙一周，其中Microsoft嘅Build大會亦係本星期舉行，當然行政總裁Satya Nadella演講，有關疫情下數碼轉型，本來以為係老生常談，佢指各行業開發人員大幅增長，車廠軟件開發人員招聘，竟然比聘請機械工程人數，多出35%。
汽車業利用更多資訊科技，以改善客戶體驗，汽車內有多部電腦，所以對芯片要求大幅增加。
另外疫情導致網上購物及遙距營商流行，唔少人投入開發行列，Nadella竟提及香港，2020年香港開發人員貢獻GitHub源碼，竟然多咗65%，不知是否因為基數太低之故，所以增長咁勁。無論如何，全球各個地區開發人員GitHub活動都有增加。
Nadella決定收購可話係Microsoft最成功收購之一，目前作為開發人員，第一件事就可能係上GitHub下載源碼，唔少人學習編碼，都係從抄襲開始。
Nadella指疫情後開發人員招聘量，比疫情前上升8倍。GitHub係開放源碼項目，亦係以前Microsoft最大力反對，不過開放源碼已經成為學習編碼最重要工具，另外開源亦已成為一門生意，Microsoft開發平台Visual Studio亦成為最受歡迎開發工具。
GitHub作為免費協作平台，亦給予Microsoft唔少啟示，如何改善產品，例如開發人員使用編程語言，知道應用創新的各種現象，反過來又改善Microsoft產品。
除咗Microsoft，本星期亦有香港投資推廣署主辦的2021 StartmeupHK 創業節，多家科技公司亦有活動，而AWS及Veeam等亦有活動。
STARTMEUPHK有大灣區科技創新論壇，由有清華大學背景嘅香港啟迪中心主辦，滙豐領銜贊助。圍繞科技、產業、投資的主題，覆蓋咗5G、人工智能、SaaS、綠色金融等大灣區優勢科技領域，參加者包括騰訊、網易、雲從科技、塗鴉智能，真格基金、金沙江創業投資基金、青松基金、五源資本、聯想創投、光源資本，可謂星光熠熠，香港有唔少中國風險投資亦開始建立基地。
專門搞備份及數據保據Veeam亦舉行VeeamON，Veeam Backup & Replication全球全球超過100萬次，Veeam以往推出免費軟件，吸引唔少用戶下載，相信收費版本無咁多，此後唔少軟件採用相同策略。
Veeam可以話係史上最成功數據保護備份企業，以往開發人員主要位於俄國聖彼得堡，總部則設於瑞士，自從被Insight Partners收購，總部搬去美國。唔少被基金收購後，就喪失咗創新動力。Veeam可唔可以擺脫宿命？